Sunday, July 31, 2005

再見?不再見麵?

昨日是民園的最後一天,
開檔前食客大排長龍, 大批食客迫爆僅有的六張桌子,引証了鐵皮麵檔的光榮結業...

該處長長八十年的大牌檔文化也就這樣結束了...
有點可惜,有點不捨...
就是不明何解食環署不續牌予民園....

總算品嚐過其馳名的牛腩及豬手麵...不過, 都係0個句: 腩汁水餃伊, 我捨不得你啊!!! ;P

posted by blue_ramune @ 11:04 0 comments

Friday, July 29, 2005

遲來的祝賀


恭賀中國女排獲得季軍!!!

家中沒装cable TV, 未能即時目睹世界女排每年一大賽事-
FIVB World Grand Prix 2005
本年度大獎賽賽果(得獎排名: 巴西-意大利-中國-古巴-日本-荷蘭)

剛才從借來的錄影帶, 回看個多星期前於日本仙台尾站舉行的其中幾場赛事,
以及最終的頒獎禮.. 期間被得獎球隊及球員的真情流露感動不已;
當中赛事亦場場精采, 除了睇歐美球隊的powerful攻擊外,
最吸引的是尾場中國VS日本, 兩支以防守&戰術為主的亞洲球隊互相隊疊,
可想該埸比赛的可觀性有多高!!
看見自己最支持的中國隊雖然新人輩出, 經驗及信心仍未足夠, 但見她們一場比一場打得起勁, 一場比一場進步, 心中不禁喊起從前常喊的那句: 中国女排, 永不言敗!!!

今年錯過現場觀賞香港站的赛事, 這次一口氣連看賽事幾場加上最終回的頒獎禮當作補償..
眼見赛事進行&事後埸內盛况,不期然回想起多年前於红館擔任撿球員(拾球童;P)&宣佈員(announcer)的種種寶貴經歷…
當中包括: 因場地濕滑,在撿球時跣低的瘀事; 第一次超近距離觀賞世界賽事以及球員;
和球員合照及索取她們簽名(可惜因當值関係, 當年未能取得賴亞文及偶像何琦的簽名..);向球員請教球員名稱的正確發音; 第一次於紅館開咪; off duty 時咬着贊助商提供的雪條於紅館的後台及觀眾席之間穿梭… 這一切一切對我而言也是畢生難忘…

看過了World Grand Prix 2005, 近年越來越少打Volley的我, 突然被Volley虫咬, 手痕起來…
喂喂舊隊友們, 幾時約埋打番場波呀?

posted by blue_ramune @ 11:58 1 comments

不再年輕

近期生活極之充實- 為工作,排舞,新居,&與好久沒見的好友們相聚而忙個不停..
可惜充電不足, 體能不夠,抵抗力變弱,結果打敗扙,今日整整一天留家攤0抖…

一直響往活得精采, 對於充實生活樂此不疲…
可惜畢竟年紀漸大,不再如十八廿二般精力旺盛..
回想最瘋狂的學生時代- 課餘活動多籮籮: 每星期兩晚Volley training, 兩晚日文, 週末打劍或On judge..etc.. 難怪被嘲笑過度活躍…

投身社會後, 運動量大不如前, 莫說體能, 體質亦比下去…
說真的, 希望自己可keep 番多D運動,希望能努力keep番住健康, 儲番多D魄力去做更多自己想做的事…
始終還是健康最重要!!!

posted by blue_ramune @ 11:55 0 comments

示範單位變身前

多謝貓丁提供不少美術指導,以及貓丁0既專業技巧, 為我們的MC2留倩影; 當然也少不了蘇師傅的專業意見, 幫我們指點迷津@_@

好心急想快D睇到MC2變身後個屋樣會是如何?!

posted by blue_ramune @ 11:40 0 comments

Friday, July 15, 2005

首匙

望穿秋水,等了個半月, 終於在昨天辦工時間完結前收到手上…
望着匙包裡的它, 我百感交集---
談開心,瞓着都笑番醒; 談興奮,早已得意忘形;
談擔心緊張,這陣子常提心吊膽,患得患失,有點神經過敏…
為了它, 近日不知勞碌上多少個日子,輾轉反側上多少個晚上,
加上近月不少自各方的壓力接腫而來,(然而我會视它們為正面的)
不太懂得用言語表達的我, 差點懷疑自己傾向於思覺失調/ 心怕支持負荷不了..
幸好有人一直互相支持&分擔着 ;)

也許會被笑說反應過大, 但一想到於不久的將來…
畢竟這是人生的第一次, 也是不少面倒的開始, 有開心亦有擔心及苦惱...
Well…請別見怪我這傻兮兮的女子似在宣洩些什麽,
反正就是很想很想跟好友們分享這份我不懂形容的喜悅…
~ 寄盼身邊的親友也多遇上愉快的事,心情好一點,世間亦充滿歡笑多一點!! ^0^

posted by blue_ramune @ 02:00 2 comments

Monday, July 11, 2005

再談<強戰世界>

史 匹 堡 大 飄 移
2005年07月11日 谷德昭 @ Apple Daily

其 實 早 有 前 科 ， 史 匹 堡 與 湯 告 魯 斯 首 度 合 作 的 《 Minority Report 》 已 經 係 麻 麻 ， 今 次 撞 湯 告 魯 斯 咁 蹺 推 一 齣 戲 於 是 有 個 空 檔 ， 史 匹 堡 便 用 幾 個 月 時 間 趕 拍 《 強 》 片 ， 所 以 雖 然 話 就 話 係 世 界 與 外 星 人 的 大 戰 ， 但 畫 面 見 到 戰 場 只 係 得 幾 個 街 口 轉 角 同 埋 幾 塊 大 空 地 。 唔 明 向 來 同 外 星 人 咁 friend 史 匹 堡 點 解 突 然 會 勾 起 條 筋 將 外 星 人 塑 造 成 十 惡 不 赦 大 壞 蛋 ？ 唔 單 止 亂 咁 殺 人 ， 重 要 榨 汁 淋 花 ， 重 衰 過 《 Mars Attack ! 》 面 班 狗 賊 火 星 人 。 史 匹 堡 拍 完 《 Close Encounters of the Third Kind 》 同 埋 《 E.T. 》 之 後 ， 有 人 話 史 同 外 星 人 早 有 聯 繫 ， 史 係 外 星 人 宣 傳 部 長 ， 先 為 外 星 人 搞 好 形 象 ， 然 後 外 星 人 才 親 善 訪 問 地 球 ， 在 史 監 製 的 《 Men in Black 》 中 甚 至 笑 謔 史 本 身 便 是 一 個 外 星 人 。 今 次 在 《 強 》 片 中 ， 史 突 然 來 個 外 星 人 形 象 大 飄 移 ， 究 竟 係 因 為 史 同 外 星 人 嗌 交 ， 還 是 係 俾 外 星 人 捉 返 去 玩 弄 一 番 ， 定 係 現 實 地 、 有 機 心 地 想 種 一 些 恐 怖 襲 擊 種 子 在 觀 眾 心 ？ 當 然 ， 更 加 可 能 只 不 過 係 搵 食 ， 毋 須 深 究 。 電 視 上 見 到 靚 佬 湯 呢 排 行 為 舉 止 越 越 似 萬 梓 哥 ， 相 信 湯 拍 攝 現 場 都 幾 惡 搞 ， 史 一 向 同 開 E.T. 、 大 白 鯊 同 埋 恐 龍 打 交 道 ， 應 該 唔 係 好 識 同 難 纏 大 明 星 溝 通 ， 這 亦 有 可 能 是 《 強 》 片 草 草 收 場 的 原 因 。 老 實 講 句 ， 《 強 戰 世 界 》 其 實 都 算 好 睇 ， 無 論 係 特 技 設 計 、 鏡 頭 調 度 同 埋 控 制 觀 眾 情 緒 技 巧 都 係 一 流 水 準 ， 只 不 過 係 因 為 導 演 係 史 匹 堡 ， 愛 之 深 ， 責 之 切 ， 史 匹 堡 導 演 係 我 偶 像 ， 所 以 我 期 望 多 好 多 。 最 後 ， 最 痛 心 的 是 ， 在 《 強 》 片 中 ， 史 的 童 心 買 少 見 少 ， 太 認 真 ， 不 再 頑 皮 了 。

posted by blue_ramune @ 01:30 0 comments

Charlie & the Chocolate factory



依稀記得兒時曾閱讀過這本故事書- 查理與巧克力廠..
詳細內容已是印象模糊, 唯獨是記得故事裡的巧克力廠極為吸引..
我這巧克力迷一聽到這故事將被搬上大銀幕, 當然是口水勁流 ;P
再加上此片是自己熱衷的鬼才導演 Tim Burton 伙拍型仔Johnny Depp的作品, 更是難以抗拒!! 熱切期待!!

可惜末知香港的上映日期,(相信離不開暑假檔期) 只知此電影将於7月15日在米國公映..
Well.. 唯有暫時睇住個Website, 望Site止(口)痕先lar!!!

http://chocolatefactorymovie.warnerbros.com/index.html

posted by blue_ramune @ 01:15 5 comments

snacks in Ikea



講開食物, 近期行過CWB Ikea發現店內多設一個類似小食部0既區域..
供應又平,味道又不俗0既熱狗, 爆谷& 軟雪糕..
不得不提的是,以上小吃的售價超值度極高,
只需付出港幣10元正, 便可買齊以上3款小吃..

大家途經CWB Ikea, 而又發現口痕/有點兒覺餓時, 不妨過去試試!!

posted by blue_ramune @ 01:00 0 comments

Sunday, July 10, 2005

home warming



得到大眾四哥四嫂的邀請&款待,
昨晚大家歡度了一個非常快樂& 回味無窮0既晚上..
最令人回味的當然是四嫂用愛心同誠意泡製成的:
咖哩蟹肉焗菇, 红腰豆生菜波蘿沙拉,檸檬飯, 香草煎雞扒, 芝士煎豆腐, 香煎墨鱼扒, esp: 住家芒果雪糕

每款菜式也是那麽令人垂涎!!! おぃしぃ!! おぃしぃ!! ;P

posted by blue_ramune @ 11:37 0 comments

the Dogs


喜歡到友人Y&T的家..
除了探訪友人Y&T外, 最重要的是可以和四隻又乖又可愛, 仲超熱情0既狗狗玩耍…
每次都必定滿載而歸(牠們的毛毛同口水)..
我最喜愛同哥哥- (威爾斯哥基)玩, 猜想與牠的貴族血統有關, 牠總是最有儀態,最文静(從末聽過牠的吠聲)的..

想再多睇幾張相0麻?

the Dogs <-- Pls click here ^v^

posted by blue_ramune @ 11:19 0 comments

Tuesday, July 05, 2005

好想曬黑!!


Hawaiian Tropic

今年夏天, 我0既健康膚色情意結又發作了..
每年夏天, 總是希望自己能曬至金黃色,感覺fit D, 夏天D..

可惜今年夏天,尤其是在過去的一個月裡,一隻手都己數完有陽光的日子..
令我至今仍未達到目標膚色... 在餘下的夏天日子裡, 我可要多加努力!!

較早前,豊師兄於布吉買來甚具口碑的黑鬼油,
可惜礙於天氣限制下,支Oil尚未能大派用場…

好想曬黑! 好想曬黑! 好想曬黑呀!
Wei! Wei! 太陽伯伯, 幫幫手ley?!

posted by blue_ramune @ 00:10 0 comments

War Of The Worlds


一個靚佬,兩個細路,三番四次俾D三腳怪追到有氣冇掟0抖..
咁你又信唔信D外星人早於幾X萬年前己在地球深處埋伏,並策劃有一天攻佔整個地球??

撇開故事內容虎頭蛇尾之外,( 史匹堡也不過是忠於原著而巳)
論特技及演技(當然係講緊Tom Cruise & 戲中個囡囡),
加上绝無冷場,緊張情節一浪接一浪, 都应該去捧0下場gee...

靚佬Tom依舊又型又好戲,今次捨棄一貫英雄主義,飾演一位保護爱女的強爸爸, 也演活了作為一個平凡人,在那突如其來的情况下的心理反应&行為...

睇完套戲,相信大家也會產生很多莫名其妙的感覺, 也會有很多的問題會伴隨着你踏出戲院..
Well..聽故唔好駁故, 就當作是導演送給我們的思考空間罷...

posted by blue_ramune @ 00:09 0 comments